Се одиграа сите четири натпревари в недела во рамките од 20. коло во Првата македонска фудбалска лига (1МФЛ), Вардар е сега на 10 бода предност пред второпласираната Шкендија.

Шкендија од Тетово денеска одигра само нерешено (0:0) на гостувањето кај Кратово против екипата на Силекс кој остана третопласиран во генералниот пласман.

Сега Македонија ЃП после победата над Академија Пандев е на само три бода од Шкендија, па така се најавува голема борба за позициите кои водат на европската сцена за наредната сезона.

Ренова во важна битка за опстанокот со головите на Миовски и Кадриу успеа да ги освои трите бода против Струга Трим Лум.

Работнички одлично го започнува вториот дел од сезоната, после победата над Струга Трим Лум, овојпат на домашен терен со 2:1 беше подобар од Шкупи.

Иако тимот од Чаир водеше после првото полувреме со голот на Исени од пенал, „романтичарите“ направија целосен пресврт благодарение на двојниот стрелец Тошевски.

На табелата води Вардар со 42 бодови, пред Шкендија (32), Силекс (31), Македонија ЃП (29), Академија Пандев (27), Шкупи (25), Струга Трим Лум (24), Ренова (22), Работнички (21) и Борец (20).