Тони Јакимовски излезе од притвор
Поранешниот шеф на кабинетот на екс директорот на УБК, Сашо Мијалков, и обвинет во случајот „Спец каса“, Тони Јакимовиски, по една година зад решетки излезе од притвор, дознва „Фокус“.
Одлуката за замена на притворот со гаранција ја донел Кривичен совет на Основниот суд Скопје 1. На Јакимовски му се изречени мерки на претпазливост, односно одземен му е пасошот, а има и обврска еднаш во неделата да се јавува во судот.
Тој заврши во притвор минатата година во март, по барање на Обвинителството за организирање на криминал и корупција, а како осомничен во случајот „Спец каса“, односно за проневера на 825.000 евра, кои биле наменети за оперативни акции во УБК.