Виктор Томас, капитенот на Барселона, не го потценува Вардар иако македонскиот тим се наоѓа во финансиска криза. Барселона два пати играше сезонава со вардарци и во двата дуели победи, но Томас смета дека тие резултати не се мерило за турнирот во Келн.

– Игравме со сите екипи во групната фаза, и сите се квалитетни. Во оваа фаза на сезоната, не постојат фаворити. Има само еден натпревар и се може да се случуи. Не очекува интересен фајнал фор. Ние сме фокусирани да го совладаме Вардар. Но мора да бидеме внимателни, поради финансиските проблеми со кои се соочуваат, тие се многу опасен тим и противник – вели Томас.