Откако две недели поминаа во карантин во Австралија поради коронавирусот, славниот актер Том Хенкс, објави дека тој и сопругата Рита Вилсон се вееќе во САД.

Хенкс на социјалните мрежи напиша дека и двајцата се чувствуваат добро, па им се заблагодарија на сите за големата поддршка.

pic.twitter.com/f6wLTkz90m

— Tom Hanks (@tomhanks) March 28, 2020

„Здраво на сите. Тука сме дома и сега заедно со цела Америка нема да одиме никаде. Ви благодарам многу на сите што се грижевте за нас во Австралија. Благодарение на нивната помош, се вративме во САД. Исто така, ви благодарам на сите за добрите желби. Тоа многу ни значеше и за мене и за Рита“, напиша Хенкс на Твитер.

Од друга страна, неговата сопруга, актерката Рита Вилсон на 29 март прослави 5 години откако се излечи од карцином, а таа на социјалните мрежи себеси се карактеризираше и како „преживеана во пандемија од ковид-19“.

Таа истакна дека 29 март и е многу среќен датум, бидејќи токму тогаш објави дека е излечена од коронавирус, а истиот датум пред пет години актерката се излекува и од рак.

„Овој датум ми е среќен. На овој датум навршив пет години откако имав масектомија поради рак. Им заблагодарувам на лекарите и медицинскиот персонал, на пријателите и семејството, а и вам, онлајн пријатели на вашите молитви и оптимизмот“, се заблагодари Вилсон преку Инстаграм.