Том Хенкс се најде во улогата на водител на комичната емисија „Saturday Night Live“, каде што раскажа како изгледало неговото лекување од коронавирусот, но и каков му е животот откако го победил вирусот.

„Не грижете се, избричената коса е поради улога, бавно расте. Многу е добро да се биде овде, но и чудно да се води Saturday Night Live, од дома. Чудно време е за шеги, но да се обидуваш да бидеш смешен е поентата на емисијата“, рече на почетокот.

Меѓутоа, иако тоа е суштината на емисијата, следната изјава на Хенкс никому не му беше смешна.

„Никој не сака да биде покрај мене, на луѓето им е непријатно да бидат покрај мене“, рече Хенкс.

„Ова одело е првото што сум го облекол од 11 март, а да не е тренерка. Сопругата ми помогна да го облечам бидејќи забравив како функционираат копчињата“, се пошегува глумецот.

Опоравувањо на Том Хенкс од коронавирусот траеше еден месец, а по лекувањето и задолжителната изолација тој и неговата сопруга се вратија во САД на 28 март.