Толедо и официјално дел од „црвено-црното“семејство
Европскиот шампион Вардар и официјално се засили со уште еден ракометар. Бразилецот Хозе Гиљермо Де Толедо потпиша двегодишен договор со „црвено-црните“. Толедо е 25-годишен ракометар кој ќе биде засилување за Вардар на десната бековска позција. Толедо е роден во Сао Паоло, висок е 193 сантиметри и тежок 100 килограми. Тој о стандарден репрезентативец на Бразил, и има освоени златен (216) и сребрен (2018) медал од Пан Американските игри. Играше и на СП 2015 година во Катар.
– Со ангажирањето на Толедо веруваме дека ќе имаме уште подобра бековска линија во Вардар. Бразилецот низ своите настапи претходните години покажа дека може да биде корисен во секој тим. Неговата младост и пред се напаѓачки и одбранбени способности секако ќе бидат добредојдени. Очекуваме Толедо да ја искористи шансата што ќе му биде укажана, и да покаже дека и ние и тој направил одличен избор со доаѓањето во Скопје – изјави Давор Стојаноски, извршниот директор на Вардар.
Толедо доаѓа од редовите на полскиот тим, Висла Плоцк за кого настапуваше во последните четири сезони, а во последните две сезони играше во Лигата на шампионите и постигна 41 гол.
Претходно во редовите на европскиот, македонскиот и СЕХА шампионот, пристигнаа Артурс Кугис, Сергеј Горпишин, Димитар Димитриоски, Павел Атман, а нов тренер е Давид Писонеро кој го замени Роберто Гарсија Парондо.