Казахстанскиот претседател Касим-Јомарт Токаев освоил 82,45 отсто од гласовите на вонредните претседателски избори, покажуваат резултатите од излезната анкета спроведена од Истражувачкиот институт „Отворено општество“. Се очекуваше Токаев да победи на изборите и да го продолжи своето владеење во централноазиската земја богата со нафта за уште седум години.

Вкупниот одѕив на гласачите на денешните предвремени претседателски избори во Казахстан достигна 69,43 отсто по затворањето на сите избирачки места во 22:00 часот по локално време, изјави Константин Петров, заменик-претседател на Централната изборна комисија.

Според казахстанскиот закон, изборите се признаваат како валидни без оглед на излезноста на гласачите, а победува оној кандидат кој ќе добие повеќе од 50 отсто од гласовите. Прелиминарните резултати од гласањето се очекува да бидат објавени утре.