Тојота и лани најпродавана марка на автомобили во светот

Фото: Википедиа

Тојота денеска објави дека минатата година продала 10,5 милиони возила, што ја прави најпродавана марка на автомобили во светот. Продажбата на производителите Хино Моторс и Даихатсу, кои се дел од групацијата Тојота, е намалена за 0,1 отсто во 2022 година, додека рекордни 8,6 милиони возила се продадени во странство, што помогна да се компензира намалувањето на бројот на продадени возила на јапонскиот пазар.

Фолксваген беше втор најпродаван автомобилски бренд во светот минатата година. Претходно овој месец објави дека има најниска продажба во последните 10 години – минатата година продаде 8,3 милиони возила.

И Тојота и Фолксваген се соочуваат со тешкотии во бизнисот. Сепак, јапонскиот производител објави дека силната побарувачка во Азија и зголемениот производствен капацитет во Азија и Северна Америка придонеле за пет отсто зголемување на глобалното производство во 2022 година, пренесува Ројтерс.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот