Тодоров во игра за селекторското столче на Бугарија
Тренерот кој му ја донесе првата шампионска титула на МЗТ Скопје, Александар Тодоров е еден од четворицата кандидати за нов селектор на Бугарија.
Селекторското столче во бугарската репрезентација остана празно откако Љубомир Минчев одби да го продолжи договорот.
Според бугарските медиуми, Тодоров кој моментно е тренер на романската СЦМ Крајова, е еден од четворицата кандидати со кои челниците на Бугарската кошаркарска федерација планираат да разговараат.
Покрај Тодоров, останатите кандидати се и поранешниот селектор на Македонија, Јовица Арсиќ, тренерот на Рилски Спортист, Људмил Хаџисотиров, и тренерот на Левски Лукоил, Константин Тити Папазов кој е и фаворит за функцијата.