Тодоров: Имаме светла иднина, сè ќе се сведе на мечот со Естонија!
Александар Тодоров не беше незадоволен од крајниот резултат на средбата со Италија. За него е најважно што овој тим покажа едно сосема поинакво лице во однос на ланскиот февруарски „прозорец“ на ФИБА
– Покажавме дека можеме да играме против тим кој е прв на ранкингот на ФИБА во моментов. Успеавме не само да бидеме рамноправни, туку и да водиме повеќе од 18 минути од мечот. Покажавме тотално поинакво лице во однос на натпреварите лани.
Ова е група која како тим има светла иднина и група на која сум исклучително горд. Ни претстојат уште три натпревари кои ќе бидат многу тешки, но на крајот најверојатно сè ќе се сведе на мечот со Естонија в понеделник – рече Тодоров.
Селекторот вели дека Димитријевиќ и Вајли би можеле да бидат сериозен тандем, особено што „потекнуваат“ од АЦБ лигата, макар биле во различни клубови во овој момент.
– Лесно е кога имаш такви кошаркари. Двајцата знаат да играат кошарка и нема проблем да се поврзат заедно. Добро е што имаме уште два меча пред дуелот со Естонија, така што ќе имаат доволно време да се воиграат – додаде Тодоров.
Квалификации ЕП: Македонските кошаркари поразени од Италија!
