Точно на пладне започнува испрашувањето на обвинителот Рустеми
Обвинителот Бурим Рустем од Специјалното јавно обвинителство денеска треба да даде исказ во Обвинителството за организиран криминал за случајот „Рекет“.
Рустеми требаше вчера да сведочи, но неговото сослушување беше одложено поради рочиштето за предметот „ТНТ“ каде тој го застапува обвинението на СЈО.
Во Обвинителството за организиран криминал од почетокот на неделава искази за случајот „Рекет“ дадоа специјалните обвинителки Лиле Стефанова и Елизабета Јосифовска. Во вторник на распит е повикана и шефицата на СЈО Катица Канева.
Истрагата за „Рекет“ во Јавното обвинителство ја води главната обвинителка на Одделот за организиран криминал Вилма Рускоска.
Засега единствените осомничени за случајот „Рекет“ Бојан Јовановски и Зоран Милески остануваат во притвор. Обвинителството двајцата ги товари за кривично дело „примање награда за противзаконито влијание“, а првоосомничениот Јовановски и за „перење пари и други приноси од казниво дело“.