Тоа што Харден го игра не е кошарка
Хјустон рокетс оствари убедлив триумф од 32 поени разлика (135:103) против ЛА Клиперс, а учинокот на Харден беше 31 поен и по седум асистенции и скокови. Сепак, иако сите му се воодушевуваат на Харден, има и некои кои имаат големи замерки на неговиот стил на игра. Еден од нив е Дон Меклин, поранешен НБА кошаркар, а сега коментатор на натпреварите на ЛА Клиперс.
„Некако чувствувам дека овој стил, ова што Харден го прави е манипулација на некој начин. Мојата единствена мисла е дека гледам нешто што не е кошарка“, рече Меклин во текот на преносот.
"This style, what Harden does, is manipulating the game somehow. Almost like cheating it somehow" ? pic.twitter.com/Rygn1GL9TU
— Dime (@DimeUPROXX) April 4, 2019
Џејмс Харден е најдобар стрелец во НБА лигата со просечни 36.3 поени по натпревар, а има и 6.5 скокови и 7.5 асистенции. Педантните статистичари во САД пресметале дека дури 48.8 проценти од поседот на топката во рацете на Харден се игра „еден на еден“ и тој најчесто акциите ги завршува со контроверзниот степ-бек шут.
– Не сум љубител на таквата игра, таа не носи титули. За мене кошарката претставува движење на играчите, на топката, креирање на акции, а не само играчот да ја пренесе топката од својата половина и постојано игра „еден на еден – рече Меклин.