Легендарната Тина Тарнер, која ќе остане запаметена како „Кралица на рокенролот“, остави голем број безвременски хитови зад себе. Сепак, постои една песна која не ѝ била омилена, иако ѝ беше меѓу оние кои ја одбележаа нејзината кариера.

Имено, во нејзиниот документарец „Tina“, снимен во 2021 година, Тарнер откри дека не ѝ се допаѓа песната „What’s Love Got to Do with It?“, која се најде на нејзиниот петти студиски албум „Private Dancer“ (1984) и ѝ ја донесе престижната музичка награда Греми.

„Тоа беше ужасна, ужасна песна. Јас бев рокерка, а тоа беше поп-песна“, изјави пејачката во документарецот.

Нејзиниот менаџер во тоа време, Роџер Дејвис бил воодушевен од песната и бил убеден дека ќе стане голем хит, нешто што навистина се случило.

„Јас ја променив таа песна и ја направив своја“, појасни „кралицата на рокенролот“.

„What’s Love Got to Do with It?“ стигна до првото место на топ-листата на „Билборд“ и освои три Греми награди – снимка на годината, песна на годината и најдобра женска поп изведба.

Повеќе текстови за Тина Тарнер:

Животот на Тина Тарнер воопшто не бил лесен: Во бракот трпела психичко и физичко насилство, па се обидела да се самоубие

Во чест на незаборавната Тина Тарнер – Десет хитови што сите ги сакаме

НАСА спектакуларно ја испрати Тина Тарнер меѓу ѕвездите

Последната објава на Тина Тарнер ги растажи сите: Се доведов во голема опасност…