-4 C
Скопје

Тивките херои од „градската“ болница

Здравствените работници на Клиниката за хируршки болести „Св. Наум Охридски“, попозната како „градска болница“, го преземаа товарот на лекување на болните од друга болест, како и пациентите со повреди. Од јануари до денес на оваа клиника се лечеле околу 73.000 пациенти, а бројот на изведени операции е од 150 до 200 месечно.

ЈЗУ УК  „Св. Наум Охридски“ – Скопје

– Морам да ја истакнам посветеноста на нашиот медицински кадар. Задоволен сум како издржавме целиот овој период. Постојано се соочувавме со пациенти за кои не знаевме дали се заразени со ковид, пожртвуваноста на персоналот беше исклучителна. Имавме притисок од бројните пациенти, но од друга страна – и да ги запазиме препораките за лична заштита – вели за „Слободен печат“ д-р Љубен Арсенков, субспецијалист по абдоменална хирургија и в.д. директор на Клиниката.

Љубен Арсенков, директор градска болница
д-р Љубен Арсенков, Директор на ГОБ Св. Наум Охридски, Скопје/ Фото: Слободен печат/Драган Митревски

Арсенков додадава дека ниту едно одделение не било затворено во ниеден момент.

– Карактеристика за нашите пациенти е што околу 80 проценти од нив доаѓаат без упат, но никого не сме вратиле, ниту ќе вратиме. Ние сме институција која не смее и не сака да ги враќа болните. Со нашата работа во oвој период покажавме дека оваа клиника е неопходна за третирање на хируршките болни не само од Скопје, туку и од внатрешноста. Апсолутно сме неопходни во системот – вели Арсенков.

Прочитајте и...  Се уредува Источната трибина на Градскиот фудбалски стадион „Зоран Паунов" во Велес

Локацијата на болницата во центарот на градот на некој начин влијае граѓаните да бараат помош со секакви тегоби – од прединфарктни состојби до убоди од оси и пчели. Сепак, најголем број од пациентите имаат потреба од хируршка интервенција.

Оваа болница лечи пациенти кои имаат хируршки потреби, а не се ковид-позитивни, вели доктор Арсенков

Пандемијата кај персоналот од оваа клиника поттикнала солидарност, чувство на припадност и желба да се направи успешна приказна. 

– Ние имаме и професори и сме наставна база на Медицинскиот факултет при УКИМ. Нашите млади специјализанти се извонреден млад стручен кадар, кој гарантира успешна работа и наредните години. Сакам да верувам дека вработените ја чувствуваат институцијата како свој втор дом, а доколку навистина е така, тоа би било една од најголемите придобивки и потврда за досегашниот ангажман – вели докторот.

Прочитајте и...  Руски дипломати повредени во експлозија на автомобил во Кабул

Министерството за здравство на почетокот на пандемијата ја одреди оваа клиника да лечи пациенти кои имаат хируршки потреби, а не се ковид-позитивни.

Најголем број од пациентите имаат потреба од хируршка интервенција, вели д-р Љубен Арсенков

– Ние не можеме да ги тестираме сите пациенти кои ќе дојдат на преглед во клиниката. Она што можеме да го направиме е еден вид тријажа, мериме температурата при влезот во болницата. Сме оперирале и ковид-позитивни и потоа сме ги праќале во установа одредена за тоа. Немавме внатрешна трансмисија меѓу персоналот и успеавме да го зачуваме, а има 350 вработени, од кои 280 медицински работници. Спречивме кадарот да заминува, а имаме и одреден прилив на кадар, што го сметам за голем напредок – потенцира директорот.

За девет месеци донации од 400 илјади евра

Годинава во Клиниката се реализирани бројни донации и градежно-реконструктивни зафати од општествено одговорни компании. Фудбалската федерација на Македонија подарила три санитетски возила во вредност од 130.000 евра.,,Макпетрол” донирал две сензорски врати во прифатниот дел од клиниката, новата внатрешна фасада во вредност е донација на „Еколог“, а ЕВН донирала перфузори за интензивна нега. Зегин и Synergy ги опремиле сите вработени со униформи, а „Комед“ дарувал најсовремен електрокоагулатор…  Вкупната сума на донации од 17 јануари до денес е 403.000 евра. Во соработка со Министерството за здравство, благодарение на германската амбасада, клиниката е доопремена со три најсовремени респиратори, вредни 150.000 евра.

Прочитајте и...  Денеска се празнува светиот маченик, беше фрлен во затвор, без храна и вода помина 18 денови
Многу општествено одговорни компании помогнаа во реновирањето на болницата, вели д-р Арсенков

– Еден мој пријател донираше 30.000 евра, а сакаше да остане анонимен. Господинот Кочо Анѓушев донираше болнички мебел – ни рече д-р Арсенков.

Од следниот јануари се подготвуваат да ги вратат во употреба реновираните болнички соби, односно 40 проценти од капацитетот кој пет години не функционираше, како и да се реновираат пет операциони и сали со интензивна нега.

Поврзани вести

Филипче: Вирусот се смирува, но далеку сме од ситуација да кажеме дека може да здивнеме

Слободен печат

Бар и Меконел ја признаа победата на Бајден на изборите во САД

И.И.

За викендите ќе биде штама во Србија, рестриктивните мерки стапуваат насила од петок

Слободен печат

Над 64 милиони луѓе во светот заразени со Ковид-19

И.И.

Заев: Обидот да се блокира Собранието е опасно, срамно и неодговорно однесување

Слободен печат

ВИДЕО | Георгиевски: Бевме убедувани дека мора да се бориме против Бугарија, дека може да нè нападне секој момент

Слободен печат

Остави Коментар