Титулите на Мастерсот во Индијан Велс за Нори и Бадоса
Камерон Нори во машка и Паула Бадоса во женска конкуренција се победници на Мастерсот во Индијан Велс.
Британскиот тенисер со пресврт во финалето славеше над Николас Басилашвили од Грузија и тоа со 3:6,6:4,6:1.
NORRIE’S NIGHT 🙌@cam_norrie wins his first ATP Masters 1000 title 🏆 #BNPPO21 pic.twitter.com/jNMyGMjpFS
— ATP Tour (@atptour) October 18, 2021
Нори кој во финалето важеше за фаворит, одлично го започна мечот и направи брејк во третиот гем. Потоа зголеми на 3:1, во остатокот од сетот помина во доминација на Басилашвили кој освои 20 од наредните 25 поени и со серија од пет освоени гемови по ред, поведе со 1:0 во сетови.
Грузиецот на стартот од вториот сет направи брејк за водство од 1:2 и изгледаше дека сигурно чекори кон титулата, но така не мислеше Камерон Нори.
Британецот веднаш направи рибрејк и потоа во десеттиот гем уште еднаш го одзеде сервисот на противникот и мечот го однесе во одлучувачкиот трет сет.
Во него целосно доминираше Нори кој на противникот му препушти само еден гем и дојде до првата Мастерс титула.
Во женска конкуренција нова шампионка е Паула Бадоса која во финалето по голема борба ја совлада Викторија Азаренка во три сета и тоа со 7:6,2:6,7:6. Ова е втор триумф за Бадоса во кариерата, а прв пат го крева шампионскиот пехар на Мастерс турнирите.
2-0 in finals 🔥
🇪🇸 @paulabadosa outlasts Azarenka 7-6(5), 2-6, 7-6(2) for the @BNPPARIBASOPEN title! pic.twitter.com/upn6HMY0kZ
— wta (@WTA) October 17, 2021
Првиот сет помина без брејк на ниту една од тенисерките по што во тај-брејкот подобра беше Шпанката и поведе со 1:0 во сетови.
Азаренка возврати во вториот сет со одлична игра и славеше со 2:6 и мечот го однесе во третиот сет.
Во одлучувачкиот сет, Азаренка направи брејк во деветтиот гем и поведе со 4:5, а потоа поведе и со 0:30 на свој сервис, но тука застана и ѝ дозволи на противничката да освои четири поени по ред и веднаш да направи рибрејк. Потоа двете тенисерки беа сигурни на свој сервис и мечот го однесоа во одлучувачки тај-брејк во кој Шпанката поведе со 3:0 и предноста ја задржа до крајот за прва Мастерс титула во кариерата.