Титулата во Акапулко за Зверев
Вториот носител Александер Зверев го совлада Стефанос Циципас во два сета во финалето на турнирот во Акапулко и ја освои 14. титула во кариерата.
Зверев триумфираше во два сета и тоа со 6:4,7;6, но и двата сета беа исполнети со возбудувања.
Во првиот сет, Циципас имаше водство до 4:1 во гемови и три брејк топки во шестиот гем, но германскиот тенисер успеа да се спаси и да освои дури пет гема во серија со кои дојде до водство од 1:0 во сетови.
The moment @AlexZverev defeated Stefanos Tsitsipas to win the @AbiertoTelcel title for the first time ?#AMT2021 pic.twitter.com/DwRvBHqiuy
— Tennis TV (@TennisTV) March 21, 2021
Во вториот сет, Циципас успеа да спаси брејк топки на почетокот, но потоа во деветтиот гем го загуби сервисот. Но, во наредниот гем, на сервис на Циципас, Гркот прво спаси меч топка, а потоа направи и брејк со што потоа успеа да го однесе сетот во тај брејкот. Во него, доминираше Зверев и на краот славеше со 7:3.
– Отсекогаш говорев дека ова е турнирот кој сакам да го освојам. Имам силни врски со Мексико – изјави Зверев по освојување на титулата.