Титулата се решава во Битола: Е. Пелистер против Вардар 1961
Денеска со почеток од 19.00 часот во спортската сала „Боро Чурлевски“ во Битола ќе се одигра најважниот натпревар во македонската ракометна лига помеѓу Е. Пелистер и Вардар 1961.
Играчите на Жељко Бабиќ се во „пол-позиција“ бидејќи моментно се на првото место на табелата со 22 бодови, два повеќе од второпласираните скопски „црвено-црни“ предводени од Давид Дејвис.
Овие два тима играа на 26 март во Скопје кога триумфираше битолската екипа со 23:24.
Се најавува спектакл, ќе грми во салата „Боро Чурлевски“, домаќините ќе имаат огромна поддршка на патот да дојде до шампионскиот трофеј.
Последен пат Пелистер беше шампион на Македонија во натпреварувачката сезона 2004/2005, севкупно има шест титули во својата историја. Од друга страна Вардар е најтрофеен, досега има 14 титули.
Ќе има фан-зона (ќе се одржи без разлика на временските услови) на РК Е. Пелистер, со почеток од 14.00 часот – плато на Офицерски дом – Битола.
Организаторите РК Е. Пелистер, Општина Битола и ЈОУ Културен и информативен центар Битола подготвуваат голем ракометен хепенинг и отворена фан-зона.
* вкусна храна и ладно пиво
* забавно музичка програма и настапи во живо