Лидерот на опизициската демократска партија во Албанија, Љуљазим Баша, повторно го повика народот на протести, порачувајќи дека „очите на целиот свет денеска се насочени од Албанија за да се види како ќе се реши кризата“.

– Дури и по неговото заминување, на Албанија ќе и бидат потребни многу напори за искоренување на криминалниот модел што тој го инсталира во Албанија и за лекување на раните од корупцијата. Очите на светот се вперени кон нас за да се види како ние како земја, како обединета нација околу вредностите, ќе ја решиме оваа криза. Чистењето на нашиот политички систем и еднаш засекогаш отстранување на криминалното водство на владата е надеж и најсигурен начин за Албанија која им припаѓа на сите свои граѓани – изјави Баша.

Осмиот „национален протест“ на обединетата албанска опозиција закажан е за утре во 19 часот пред Владата во Тирана.

– Го повикувам секој граѓанин кој посакува ослободување на Албанија од криминалот и дрогата. Колку побрзо замине Еди Рама толку подобро за иднината на земјата – порача Баша.