Во текот на вчерашниот ден полицијата уапси две лица од Скопје, кои во текот на вчерашниот ден одземале пари од спортска обложувалница во Кисела Вода.

На 27.03.2023 во Скопје од полициски службеници од Единицата за интервентна полиција при СВР Скопје се лишени од слобода Н.М.(18) и М.М.(19), двајцата од Скопје. Полициски службеници од Одделението за криминалистички работи Кисела Вода, постапувајќи по пријава според која во 11.58 часот од спортска обложувалница на подрачјето на Кисела Вода биле одземени пари, презеле мерки и активности при што било констатирано дека за двете лица постои основано сомнение дека го сториле кривичното дело, се вели во соопштението од МВР.

Во координација со Јавен обвинител, тие се задржани во Полициска станица, а по целосно документирање против нив ќе биде поднесена соодветна пријава.