Жител на Делчево го пријавил во полиција својот 18-годишен внук, кој ги дознал податоците од неговата дебитната картичка и со неа извршил стотици плаќања, потрошувајќи над 7.500 евра, соопшти МВР.

„СВР Штип поднесе кривична пријава против К.М.(18) од Делчево, поради постоење основи на сомнение за сторено кривично дело „оштетување и неовластено навлегување во компјутерски систем”. На 28.05.2021, пријавениот обезбедил податоци од дебитна картичка на дедо му, по што во 468 наврати со неа плаќал за игри и вршел купувања“, се вели во полициското соопштение.

Вкупната сума за која внукот го оштетил дедото во денари изнесува 468.832.