Барселона со убедлив триумф од 5:1 над Ференцварош ја започна сезоната во Лигата на шампионите, а едно име се запиша во историјата на клубот и на елитното натпреварување.
Станува збор за 17-годишниот Педри кој влезе во игра во 63. минута.
По само 20 минути на теренот на „Камп Ноу“, Педри ја затресе мрежата на унгарскиот тим и му се приклучи на врсникот Ансу Фати кој даде гол во првото полувреме.
Така Барселона стана првиот тим во историјата на Лигата на шампионите кој имал двајца фудбалери од само 17 години што постигнале гол на ист натпревар.

Меѓутоа, историскиот подвиг на Педри остана во сенка на неговиот потег по завршувањето на натпреварот. Имено, Педри стадионот го напушти со такси бидејќи се уште е малолетен и нема право на возачка дозвола.