Тинејџерката го запрепасти светот: Со години го јавала коњот, па одлучила да го изеде! – Слободен печат
ЖенаМагазин

Тинејџерката го запрепасти светот: Со години го јавала коњот, па одлучила да го изеде!

Ако веќе јадам ждребешко, нека биде од мојот коњ, напишала Пиа Олден.

Норвешката тинејџерка се најде во средиште на скандал откако на Фејсбук објави дека го изела месото од сопствениот коњ.

Пиа Олден (18) примила смртни закани кога на друштвената мрежа напишала дека тоа е најубавото месо што некогаш го пробала.

Објаснила дека нејзиното семејство во замрзнувачот сочувало филети од нејзиниот пастув, кој во 2018 година бил успиен поради болест, пренесува Дејли мејл.

Норвешката јавачка и идна готвачка чии родители се земјоделци во Тронделаг, Норвешка, го подготвила месото со чили и манго и напишала:

„Ако веќе јадам ждребешко, нека биде од мојот коњ.“

За норвешкиот весник „Дагбладет“ изјавила:

„Многумина ми напишаа дека заслужувам смрт зашто си го изедов сопствениот коњ, еден ми напиша дека треба да ми го одземат правото да поседувам животни“.

Пиа Олден истакнува дека нејзините најжестоки критичари се нејзини колешки од коњичките спортови, но вели дека тоа бил најдобриот начин да му оддаде почит на својот коњ.

„Зарем подобра опција е коњот да биде закопан и да го изедат црви?“, се прашува Пиа.

Исто така тинејџерката тврди дека поради фактот што пораснала на фарма има пореалистичен однос кон животните и поинаков однос кон месото од оние што ја критикуваат.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close