Кралицата на рокенролот, Тина тарнер, наполни 80 години. Освен што има неверојатни вокални способности, таа поседува енергија со која зрачи секогаш кога ќе застане на сцената. Иако секогаш е насмеана, Тина претрпела многу непријатности во животот.

Тина била жртва на злоставување од страна на поранешниот сопруг Ајк Тарнер, со кого била во брак од 1962 до 1978 година.

Го запознала Ајк во еден ноќен клуб кога имала 19 години и веднаш почнале да соработуваат, а првиот хит „River Deep, Mountain High“ ги искачил високо на топ листите. Но нивната соработка не била идеална.

Ајк почнал да ја малтретира Тина секојдневно и многу често таа завршувала со крв и модринки.

„Ѝ удирав шлаканици на Тина. Без причина ја турнував на земја. Но не ја тепав баш толку како што кажува таа“, признал Ајк.

Додека биле на заедничка турнеја во Далас, Ајк ја претепал. Таа чекала да заспие, а потоа ставила очила за да ги скрие модринките и побегнала со 36 центи во џебот. Се скрила во блискиот мотел и со помош на адвокатот и неговите пријатели отишла во Лос Анџелес.

Ајк тогаш изјавил:„Може да добие сè, само моето име – не!“. Во 2007 година Ајк Тарнер починал од предозираност со кокаин.

Тина никогаш не ги заборавила деновите кога била во буквална смисла на зборот измачувана. Во 1985 година се запознала со музичкиот продуцент Ервин Бах, со кого се регистрирале во 2013 година.

Тина не се плаши од годините и продолжува напред. Пред неколку години изјави: „Педесетите се нови триесетти, а седумдесеттите нови педесетти. Нема правила дека годините ти диктираат како да се облечеш или како да се однесуваш. Престара сум да слушам како и што треба да направам. Сакам сега и тука“.

Минатата година животот ѝ приреди уште еден болен момент – смртта на нејзиниот син Крег.

Тина за себе вели дека е силна жена која го преживеала разводот, но не допуштила тоа да ја скрши и покрај сите животни катастрофи.