Тимот на Трамп дал три милиони долари за повторно пребројување на гласовите во Висконсин
Предизборниот тим на американскиот претседател Доналд Трамп дал три милиони долари за повторно броење на гласовите во два округа во сојузната држава Висконсин за која тврди дека се забележани „најмногу нерегуларности“, иако тамошните власти наведуиваат дека немаат такви докази.
Трамп платил за повторно броење на гласовите во Милвоки и во Дејн и планира денеска да ја предаде потребната документација за отпочнување на процедурата за пребројување.
Во споменатите окрузи, повеќе гласови доби неговиот ривал од редовите на демократите, Џо Бајден. Според податоци што ги доставија локалните власти, Бајден во Милвоки и во Дејн освоил 577.455 гласа додека Трамп – 213.157. Инаку, Бајден победи во цел Висконсин.
Повторното броење би можело да почне утре, доколку биде одобрена процедурата.
Иако Трамп и други републиканци тврдат дека имало неправилности, изборната комисија на Висконсин и локални официјални лица тврдат оти немало извештаи за некои поголеми проблеми или прекршоци при гласањето.
Трамп не попушта: Бајден е принуден да бара информации по спореден пат