Во 17 коло од Првата македонска кошаркарска лига екипата на ТФТ со 81:79 дојде до триумф над Работнички

Во текот на првата четвртина доминираше составот на ТФТ кој создаде висока предност од 16:4. Работнички во следните 10 минути успеа да ја анулира големата негатива и дури дојде до минимална позитива од 47:46 непосредно пред паузата.

Во третата четвртина повторно доминираше тимот на ТФТ повторно се одвои на двоцифрено водство овојпат од „плус 14“ (64:50).

Пред стартот на последниот квартал, Работнички намали од пола од негативата. Во последните 10 минути ТФТ водеше со 80:72, па Работнички се враќаше постепено резултатски и се доближи до 80:79, но домаќинот успеа да се одбрани и на крајот дојде до победата.

За ТФТ блескаше Говенс со 29 поени, три скокови и пет асистенции, додека Капетановиќ со 18 поени беше најефикасен кај Работнички.

На табелата ТФТ е на второто место со 29 бодови, два повеќе од третопласираниот Работнички.