„Скандалот со државјанството на Онишченко е тежок удар и голема дамка“, смета министерот за надворешни работи Бујар Османи, кој сепак вели дека „земјата од него може да излезе посилна“.

Во интервју за „Телма”, Османи посочи дека случајот со доделеното македонско државјанство на контроверзниот украински бизнисмен кој е на црната листа на САД, не смее да се остави настрана.

– Не смееме ова да го оставиме настрана. Ова е дамка за нашата репутација, која што ја изградивме тешко сиве овие години, посебно во последните години, рече Османи.