Мишелин Рокебрун Конери минува низ најтешките моменти во нејзиниот живот, бидејќи само десет дена откако го загуби сопругот, славниот актер Шон Конери, против неа беше покренато обвинение во Шпанија, пишува The Sun.

Имено, против неа повторно беше отворена постапка за затајување данок при продажба на имот во популарното шпанско летно одморалиште Марбела.

Целиот случај е „тежок“ над 20 милиони фунти, а шпанските власти предупредија дека имаат намера да го известат Мишелин за обвинението и повторно да го отворат случајот на суд.

Таа сите овие обвинувања ги нарече „целосна глупост“ и не сакаше да коментира ништо повеќе од тоа.

На Шон Конери, во 2014 година му било кажано дека нема да мора да се соочи со судски процес поради продажбата на нивниот дом во 1999 година. Тогаш нивната куќа била срушена и со измама биле изградени дури 70 станови, и покрај урбанистичките правила според кои можеле да се изградат само пет.

Адвокатите на актерот, градоначалникот на Марбела и шест советници завршија во притвор поради измамата. Судијата заклучил дека треба да ѝ се суди и на Мишелин, која е родена во Франција, и дека ѝ се заканува затворска казна, како и голема парична казна доколку биде прогласена за виновна за даночна измама.