Тевдовски: Капацитетите на државната ревизија ќе се зајакнуваат по изборите

фото: МИА

Ќе направиме се не само кадровски, туку и според стандарди да го развиваме системот на јавна внатрешна финансиска контрола, бидејќи е важен за функционирање на јавните финансии, истакна денеска министерот за финансии Драган Тевдовски.

„Ние сме прва земја во регионот која направи стратегија за развој на јавната внатрешна финансиска контрола, а токму една од главните насоки таму е да се засили тој систем со луѓе. По завршувањето на изборите чекор по чекор ќе работиме на реализација на стратегијата“, изјави Тевдовски во одговор на новинарско прашање на паузата на меѓународната конференција ПЕМПАЛ што денеска и утре се одржува во Скопје.

Тој нагласи дека сериозно треба да биде зајакната бројката на внатрешните ревизори во земјава.

„Ревизорските извештаи се важни и ние правиме се да се подобри функционирањето на системот. Мислам дека таквите извештаи и денес може да се разгледуваат на Собрание, но тоа зависи од другите институции во системот“, рече Тевдовски.

Во државата моментално работат 90 државни ревизори, кои вршат ревизија во околу 1.100 јавни институции, а согласно стандардите нивниот број е за педесетина помал од потребниот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот