Тетово има клуб со нуркачи, ќе истражуваат колку се загадени шарпланинските езера
Новооснован нуркачки клуб во рамките на Македонско-хрватското друштво од Тетово ќе истражува колку има отпад и каква флора и фауна има во шарпланинските езера, ќе увиди, пишува Полошки глас.
Од нуркачкиот клуб велат дека досега не биле испитани и разгледани длабочините на езерата, како и дното на овие македонски бисери.
Досега се зачлениле десетмина нуркачи. Првата акција им била во природните езера во Македонија, од каде биле изненадени колку смет било извадено од нив. Но, за жал, од клубот велат дека акциите се спроведуваат со помош и подршка од невладините организации, за разлика од Хрватска, каде на овие еко акции помош дава државата.
-Годинава сме нуркале во езерата Дојран, Младост, Охридско, Мавровско. Тие четири еколошки акции ги спонзорираше една невладина организација. За разлика од морињата каде што нуркаме во Хрватска, во езерата е матна водата, освен во охридско, но за жал и таму има многу отпад.На дното има многу отпад, но има некои места кои се чистат, но пак се валкаат. Ние се изненадивме колку е валкано Мавровско езеро, никој не се грижи за ова езеро, за чистотата. Секој ден има туристи, фрлаат се и сешто, најчето пластика.Општината и државата е глува, за разлика од нуркачките друштва во Хрватска каде им излегуваат во пресрет институциите, пред се во опрема, полнење боци, исхрана, спиење кога има нуркачки акции, вли Горан Видачек од нуркачкиот клуб при Македонско – хрватското друштво.
Тој со останатите колеги-нуркачи има организирано и еколошка акција за чистење на коритото на реката Пена во Тетово, како и акции за чистење на Јадранското Море во Хрватска. Секаде има смет, поради несовеста на граѓаните, но надвор од земјава тие акции добиваат голема подршка од државата, вели Видачек.