Во сеќавање на корона-пандемијата, Мексиканецот Оми Дебуа на своите клиенти кои ја прележале корона-заразата, им нуди бесплатна тетоважа што ќе сведочи за тоа, со натпис „COVID-19 SURVIVOR“ („Преживеан од Ковид-19“).

На Оскар Моралес (20) пораката му е истетовирана на раката како потсетник дека несакајќи заразил тројца членови на неговото семејство и сите преживеале.

– На почетокот бев невнимателен… Но, откако добив позитивен тест, се заштитувам максимално. Секогаш носам маска и ги дезинфицирам рацете, вели тој.

Во Мексико, 629.409 лица се заразени со вирусот, а од почетокот на пандемијата, инфекцијата однесе 67.326 животи. Мексико е на осмото место во светот по бројот на заразени со вирусот и на четврто по бројот на смртни случаи, по САД, Бразил и Индија.