Тестирана и втората руска вакцина, ефикасна е иако не создава доживотен имунитет
Првата фаза од клиничките тестирања на втората руска вакцина против коронавирусот на центарот „Вектор“ се покажа како целосно безбедна, дека стабилно реагира на мутацијата на вирусот и најмалку шест месеци штити од коронавирус.
Директорот на Одделението за зоонотски инфекции и грип при Државниот научен центар за вирологија и беотехнологија „Вектор“ Александар Рижаков истакнува дека оваа вакцина „не создава доживотен имунитет, зошто не прави никакви промени за цел живот“.
Тој прецизира дека вакцината на „Вектор“ нема ограничувања за ревакцинација.
– Моментално можеме да бидеме мирни, а мислам и дека така ќе биде во иднина, зошто оваа вакцина многу стабилно реагира на мутации на вирусот, нагласува Рижаков.
Кога ќе дојде до завршната трета фаза, ќе бидат тестирани најмалку 3.000 доброволци.
Според зборовите на Рижаков, првите резултати од тестирањата на вакцината ќе бидат достапни во наредните неколку месеци во руските и странските научни списанија, пренесува Спутник.
Рижаков, посебно истакнува дека оваа вакцина не влијае на репродукцијата.
– Експериментите кои претходно ги спроведувавме на вакцините развиени на специфични платформи, на пример пептидната вакцина против ебола, покажаа дека вакцината не влијае на репродукцијата, објаснува тој.
Ова е втора по ред руска вакцина против коронавирусот – во август е регистираната првата „Спутник 5“, која ја разви центарот „Гамалеја“ заедно со рускиот фонд за директни инвестиции.
Таа вакцина веќе е во фаза на тестирање на примерок од неколку десетици илјади граѓани на Москва.