Тестаментот на Балашевиќ: Кому ќе му припадне луксузната вила вредна 400.000 евра?
Еден од најпознатите српски кантавтори Ѓорѓе Балашевиќ почина на 19 февруари во 67-та година, а зад себе остави многу песни што никогаш нема да избледат.
Семејството е неутешно од загубата, но деновиве се отвори и прашањето за наследството што тој го оставил зад себе. Ѓорѓе Балашевиќ поседувал неколку недвижности, меѓу кои и луксузна вила на Истра во вредност од 400.000 евра, пишува „Стори.хр“.
Деновиве главна тема е кој ќе го наследи имотот, но како што се наведува, пејачот не оставил тестамент, па по сè изгледа имотот рамноправно ќе го поделат вдовицата Оливера Балашевиќ и нивните деца Јована, Јелена и Алекса.
Според нивни блиски пријатели, семејството Балашевиќ отсекогаш важело за блиска и складна фамилија, живееле скромно и сложно и сосема е веројатно дека на крајот ќе се договорат како да се подели имотот и парите што ќе ги заработат од авторските права на песните што ги остави Ѓорѓе зад себе, меѓу кои се и оние што допрва треба да се објават.
„Важно е дека сега Оливера и децата се згрижени и не мора да се плашат за својата егзистенција. Покрај тоа, Оливера е многу способна жена и ако треба да почне да работи за да го издржува семејството, таа нема да се двоуми. Никој од нив не е алчен, секогаш живееле во склад со ситуацијата и кога имале во изобилство и кога одвај преживувале“, вели пријател близок на семејството.