Тесни резултати на изборите во Израел – утре започнуваат преговорите за нови коалиции – Слободен печат
ВестиПланета

Тесни резултати на изборите во Израел – утре започнуваат преговорите за нови коалиции

Излезните анкети по вторите парламентарни избори во последните пет месеци во Израел покажуваат дека се уште е прерано за да се знае кој ќе биде нов предводник на земјата на Блискиот Исток, објави Би-би-си.

Центристичката Сина и бела алијанса на поранешниот прв човек на армијата Бени Ганц се очекува да освои меѓу 32 и 34 пратенички места, а десничарската партија Ликуд на сегашниот премиер Бенјамин Нетанјаху меѓу 31 и 33 места.

Постои можност одлуката на лидерот на партијата Јисраел Беитеину, Авигдор Лиеберман да биде најважна при формирање на владата.

Претходно, Нетанјаху распиша предвремени избори откако не успеа да формира влада по изборите во април.

Преговорите за формирање на нова коалиции се очекува да започнат веднаш откако ќе бидат познати прелиминарните резултати, утре изутрина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close