Тесла ја надмина Тојота и стана највреден производител на автомобили во светот

Тесла/ Фото ЕПА

„Тeсла”, компанијата за производство на автомобили на Илон Мaск, се искачи на врвот на листата на највредните производители во 2020 година.

Според пазарната вредност, таа ја надмина „Тојота” и стана највредниот производител на автомобили во светот. „Тојота” е на второто место, додека „Тесла” е повеќе од двојно вредна од „Фолксваген”.

Најновите податоци покажуваат дека Илон Маск повторно го зазеде врвот. Пазарната вредност на „Тесла” сега е околу 184 милијарди американски долари, што е за 4,3 милијарди повеќе од „Тојота”.
„Тесла” исто така е повредна од „Кока-Кола”, „Дизни”, „Циско, „Мерк” и „Ексон Мобил”.

Во изминатата година, акциите на „Тесла” пораснаа за речиси 350 проценти, достигнувајќи проценета вредност седум пати поголема отколку во исто време минатата година. Многумина сè уште сметаат дека компанијата на Маск е преценета, со оглед на количината автомобили испорачани во светот.

Многумина сметаат дека „Тесла” е технолошка, а не автомобилска компанија. Во изминатите 12 месеци, заклучно со 31 март 2020 година, „Тесла” испорача нешто помалку од 400.000 електрични возила во светот.

Сега на берзата во Њујорк има само 19 компании кои се повредни од „Тесла”.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот