Тројцата тешко повредени лица при падот на настрешницата на железничката станица во Нови Сад,  сѐуште се во тешка односно критична општа здравствена состојба, изјави управителот на Ургентниот центар на КЦ „Војводина“, Драган Николиќ.

За жал, повредите се толку обемни, се работи за сериозни политрауми, па пациентите се уште се во тешка општа состојба, рече Николиќ во изјава за медиумите.

Тој додаде дека се врши интензивна дополнителна дијагностика, како и нови хируршки зафати поради дополнително откриените повреди.

Вакви тешки повреди се среќаваат само во воени услови, а ретко во мирнодопски услови, па затоа бара мултидисциплинарен пристап, континуирано следење и континуирана хируршка и нехируршка терапија, рече Николиќ.

Тој додаде дека пациентите не се свесни и се на механички вентилатори.