Тешко дека Серија А ќе се врати наскоро, шест члена на Фиорентина позитивни на корона
Освен тројца фудбалери, позитивни на ковид-19 се уште тројца вработени во клубот од Фиренца.
Само што започнаа со тренинзите во Италија, Серија А се соочува со огромен проблем. Пред враќање на терен, сите играчи мораа да се тестираат на ковид-19, а лошите вести пристигнаа од Фиренца каде шест члена на Фиорентина се позитивни на коронавирусот.
Ова е втор бран на заболени од корона во Фиорентина бидејќи „виолетовите“ пред месец и половина имаа неколку играчи позитивни на вирусот кој сее страв низ целиот свет.
„Тројца фудбалери и тројца вработени во клубот се позитивни на ковид-19“, објави Фиорентина која не ги објави имињата на заболените.
Пред шест недели беше потврдено дека Патрик Куртоне, Герман Пецела и Душан Влаховиќ како и неколку члена на стручниот штаб се позитивни на ковид-19 и дел од нив беа хоспитализирани, но сите оздравеа.