Лигата во која ќе учествуваат само најголемите и најмоќните европски фудбалски екипи се повеќе станува реалност, а нејзиното формиртање може да им предизвика несогледливи проблеми на Лигата на шампионите, но и на најсилните екипи во Европа кои би останале без добар дел од екипите.

Против формирањето на новата суперлига е и првиот човек на Ла Лига, Хавиер Тебас кој оди чекор понатаму во своите обвинувања и вели дека двата шпански гиганти Реал Мадрид и Барселона заеднички ја истераа приказната за приклучување во Суперлигата.
Тебас тврди дека ваква лига во која ќе играат само одбрани екипи е дамнешна желба на претседателот на Реал Мадрид, Флорентино Перез.

– Тоа е сонот на Перез. Работеше на ова долги години и тоа не е нешто непознато. Но, Суперлигата е голема грешка, тој не разбира какви последици на финансиски пласн може да се случат поради оваа лига – вели Тебас.

Новата лига наводно треба да стартува во 2022 година и во неа би играле 16 или 18 екипи и тоа во двокружен бод систем. Потоа најдобрите осум екипи ќе играат во елиминациите и тоа по принципот на кошаркарската Евролига, односно првопласираната екипа ќе игра против осмата, втората против седмопласираната и ткн…
Целото натпеварување би било финансиски покриено од главниот спонзор, една од најголемите светски банки, „JP Morgan“.

Екипите кои ќе учествуваат во Суперлигата на стартот ќе мора да играат и во домашните првенства, а доколку новата лига за брзо време стане финансиски подобра од матичните лиги, тогаш тие би се посветиле на настапите само во неа.

Венгер: Со Суперлигата сакаат да ја уништат Премиер лигата