Тешки 15 часа ќе треба да издржи Хоти во вторник, го чекаат пет интерпелации
По барање на движењето Самоопределување претседателството на Собранието на Косово донесе одлука за одржување на седница во вторник, на која ќе има три интерпелации на премиерот на Косово Авдулах Хоти.
„Имавме состанок на претседателството, го разгледавме писмото со пет интерпелации што ги побараа пратениците. Премиерот предложи тие да се одржат на ист датум. Се согласивме дека бидејќи ќе траат без пауза, 15 часа и нема да бидат во истиот час, да закажеме три интерпелации во вторник, додека другите две ќе бидат закажани за следните денови“, рече претседателката на собранието, Вјоса Османи.
Таа исто така ги објави и деталите за трите интерпелации.
„Една за меѓународни организации, една за мини шенген и друга што ќе има врска со позицијата за заедницата на општини, овие ќе бидат адресирани во вторник“, рече Османи.