ТЕШКА СООБРАЌАЈКА ВО СЛОВЕНИЈА: Камион падна од надвозник откако се судри со автомобил, возачот не преживеа (ВИДЕО)
На обиколницата околку главниот град на Словенија се случи тешка сообраќајна несреќа, во која камион падна од 20 метри висина, а возачот загина.
Несреќата се случи откако возач на возилото „опел корса“ загуби контрола и се судри со приколката на камионот. Од силината на ударот, камионот првенствено се удри во заштитната ограда, а потоа падна од мостот кој е на висина од 20 метри.
Возачот на камионот (53) од Унгарија загинал на местото на настанот поради тешки повреди, додека возачот на автомобилот поминал без повреди.
Забележана е и потешка материјална штета, но камионот не пренесувал опасни материи. Уште еден автомобил е оштетен во сообраќајната несреќа.
Сообраќајот на оваа делница бил прекинат поради увид во состојбата.