Во отворањето на 38. Заеднички консултативен комитет Турција – ЕУ, што се одржa во Брисел Претставникот на Турција во ЕУ и заменик министер за надворешни работи, Фарук Кајмакџи, истакна дека терористичката организација ПКК, и покрај тоа што се наоѓа на листата на терористички организации на ЕУ може слободно да води кампања во многу земји-членки на Европската Унија.

„ПКК, и покрај тоа што се наоѓа на листата на терористички организации на ЕУ, може да води кампања во многу земји членки на ЕУ. ЕУ треба да направи повеќе, а не само ПКК да ја прогласи како терористичка организација.“ истакна Кајмакџи

Кајмакџи посебно внимание повлече и во врска со терористичката организација ФЕТО, и рече дека таа е многу поразлична од ИСИС и од ПКК.

„ФЕТО не личи на ИСИС и ПКК, има различен стил. ФЕТО е нова генерација на терористички структури и нелегална криминална организација. Борбата против нив не е лесна. Затоа и  мерките што ги преземаме се во согласност со законите и договорите на ЕУ“.

Кајмакџи го коментираше и повикот на Европскиот парламент за суспендирање на преговорите за членството на Турција во ЕУ и рече дека тоа е голема грешка. „Пристапувањето во ЕУ е стратешка цел на Турција, тоа ќе биде така и понатаму“ додаде Кајмакџи.