Терористички напад во Пакистан: Најмалку десет жртви, повредени се седум лица (ВИДЕО)
Најмалку десет лица загинаа, меѓу кои и четворица терористи, во напад на берзата во Пакистан во пристанишниот град Карачи, изјавија официјални претставници.
Во терористичкиот напад се повредени седум лица, меѓу кои и тројца полицајци, објави ДПА.
Четворица припадници на обезбедувањето, еден полицаец и еден цивил се меѓу загинатите, изјави за медиумите шефот на регионалната полиција Шариел Харал.
BREAKING:
Attack reported near Karachi Stock Exchange. Initial reports indicate a gun + grenade attack. At least 3 being reported injured. Developing. #Pakistan pic.twitter.com/9YeFBgYXyS
— FJ (@Natsecjeff) June 29, 2020
Тој истакна дека „сите четворица терористи се убиени од безбедносните сили”.
Вооружените напаѓачи носеле огромно количество оружје и муниција и се обиделе
да влезат во трговската сала, но биле спречени поради брзата реакција на безбедносните сили, објасни Харал.
Четворица вооружени мажи со автоматски пушки ја нападнале зградата околу 10 часот по локално време. Тие истрелале граната на влезот од берзата кога им се приближиле припадниците на обезбедувањето.
– Тоа беше сериозен напад, но за среќа терористите не успеаја да влезат во главната сала, изјави управниот директор на Пакистанската берза, Фарук Кан.
Karachi Under Attack… firing & Grenade attacks near Stock Exchange, 3 killed, 2 injured shifted to hospital#karachiUnderAttack #Stockexchange #Karachi @BBhuttoZardari @RabNBaloch @JavedNLaghari pic.twitter.com/BszHvFOxGj
— Maqsood hashmii (@Maqsood_hashmii) June 29, 2020
Тој нагласи дека тргувањето започнало кога напаѓачите упаднале во зградата, но моментно ситуацијата е под контрола.
Според извештаите, повеќе од 1.000 трговци и персонал биле присутни во зградата во моментот на нападот. Бројот на луѓе во зградата бил помал од вообичаено поради пандемијата на коронавирусот.
Video from inside the Pakistan Stock Exchange building – intense firing can be heard pic.twitter.com/7xxYW92nHo
— omar r quraishi (@omar_quraishi) June 29, 2020