Терористички акт: Холандската полиција уапси 37-годишен маж за планирање напад врз центар за вакцинација

epa09048280 Investigators are on site at the coronavirus testing location in Bovenkarspel, North Holland, The Netherlands, where an explosion occured 03 March 2021. According to the police, no one was injured, only windows were destroyed. This is not the first incident on a testing location in The Netherlands. At the end of January 2021, a location was set on fire in Urk during riots. EPA-EFE/KOEN VAN WEEL

Холандската полиција уапси човек осомничен за планирање бомбашки напад врз центар за вакцинација на коронавирус.

Идентитетот на 37-годишниот маж уапсен на 18 март не е објавен, а властите се сомневаат дека планирал напад врз поранешната зграда на собранието во пристаништето Ден Хелдер, 90 километри северно од Амстердам, што служи како центар за вакцинација.

Обвинителите рекоа дека тие го третираат овој чин како терористички акт затоа што целта на уапсениот е „да внесе сериозен страв кај населението и да ги наруши економските и социјалните структури на земјата“.

Осомничените „на крајно насилен начин“ сакаа да го саботираат клучниот владин процес, програма за вакцинирање на државно ниво“, велат обвинителите.

„Ова исто така влијае на јавното здравје: колку помалку луѓе можат да се вакцинираат, толку повеќе жртви ќе земе вирусот“, додаваат тие.

Истрагата за откривање на можни соучесници на осомничениот сè уште трае.

Веќе имало напади врз здравствени центри поврзани со пандемијата на коронавируси во Холандија. Рачно изработена експлозивна направа ги искрши прозорците на центарот за тестирање на вирусот корона во мал град, а во јануари, млади луѓе кои протестираа против воведувањето полициски час, запалија центар за тестирање на вируси корона во селото Урк.

Поради постојаниот голем број на нови инфекции, во Холандија веќе неколку месеци се во сила строги ограничувања, поради што не работат ресторани, кафулиња и музеи.

Извор. Бета

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот