Британската премиерка Тереза Меј и американскиот претседател Доналд Трамп денеска одржаа заедничка пресконференција, при посетата на Трамп во оваа земја.

По завршување на средбата, Меј изјави дека разговарале за новите предизвици за безбедноста, вредностите и начинот на живот.

– Ние го делиме истиот став за нивното потекло и нашите цели се нивно исполнување – рече Меј.

Таа додаде дека понекогаш, како и премиерите и претседателите пред нив, и без сомнение, оние кои подоцна ќе се појават, може и тие да се разликуваат во однос на тоа како се соочуваат со тешкотиите.

Претседателот Трамп рече дека тој и неговата сопруга Меланија се почастени што повторно се во Лондон, притоа заблагодарувајќи се на британската кралица Елизабета за синоќешната „прекрасна вечер”.

Трамп рече дека американско-британските односи се втемелени за заедничка историја, вредности, обичаи, култура, јазик и закони.

– Нашите народи веруваат во слободата и независноста како свето право на раѓање – рече Трамп.