Тепачка во просториите на Општина Бутел

Фото: Општина Бутел/Фејсбук

Двајца жители на Скопје вчера попладне се степале во просториите на општината Бутел, соопшти МВР.

„На 24.12.2021 во 15.10 часот во СВР Скопје е пријавено дека во простории на општина Бутел, по претходна расправија, е нарушен јавниот ред и мир со физичка пресметка помеѓу А.К.(40) и В.В.(28), двајцата од Скопје“, пишува во полицискиот билтен.

Од МВР велат дека се сочинети записници за констатиран прекршок.

Според дел од медиумите, тепачката неофицијално се случила меѓу адвокат и вработен во подрачната единица на Министерството за финансии, кое е закупец на простор во општинската зграда.

Видео на денот