Двајца бизнисмени вчера се степаа во авионот на „Монтенегро ерлајнс“, пред летот кој требал да тргне од Белград за Подгорица, пренесува порталот „Вијести“.

Двајца бизнисмени започнале физичка пресметка во бизнис-класата на авионот на црногорската национална авиокомпанија.

По размената на удари, според информациите, целиот персонал се обидел да ги раздвои двете лица. Откако страстите се смириле, едниот човек останал во едниот дел на авионот, додека другиот бил префрлен во друг дел.

Еден од изворите на „Вијести“ рече дека дел од патниците очекувале тие да бидат отстранети од авионот, но тоа не се случило.

Едниот бизнисмен вели дека полицијата не дошла поради тоа што „ако тоа се случело, авионот не би полетал на време“.

– Малку се буткавме и тоа е сѐ. Немам ниту една повреда, во тоа можете да се уверите – вели едниот бизнисмен.

Од полициската Управа неофицијално е соопштено дека тепачката не е пријавена кај нив, а од пи-ар службата на „Монтенегро ерлајнс“ не одговарале на прашањата на „Вијести“ за инцидентот.

Авионот на на компанијата слетал на аеродромот во Подгорица вчера околу 20.10 часот.