Теодосиќ наместо на Мундобаскет, на лечење во Болоња
Капитенот на кошаркарската репрезентација на Србија, Милош Теодосиќ, поради повреда на стапалото најверојатно нема да настапи на Светското првенство во Кина (31 август – 15 септември). По деталните лекарски прегледи е утврдено дека е скинат дел од тетивата на стапалото.
– Станува збор за обновување на стара повреда која го мачеше Теодосиќ. Веднаш започнавме со интензивна терапија која ќе ја правиме во наредните неколку денови. Потоа ќе се направат нови рендгенски снимки по што ќе биде познато колкава ќе биде паузата за кошаркарот – изјави докторот на репрезентацијата на Србија, Драган Радовановиќ.
Milos Teodosic is expected to arrive in Bologna in the next few days to continue rehabilitation of his foot injury, a source told me and @andregrossi13.
Teodosic will miss FIBA Basketball World Cup.— Emiliano Carchia (@Carchia) August 11, 2019
Селекторот Александар Ѓорѓевиќ одлучи да му излезе во пресрет на новиот тим на Теодосиќ, Виртус, и му дозволи на кошаркарот да замине во Болоња за да ја продолжи рехабилитацијата под надзор на италијанските доктори со што и дефинитивно отпадна од комбинација за настап на Мундобаскетот во Кина.