Индиски студенти се судрија денеска со полицијата, протестирајќи поради усвојувањето на новиот закон со кој се овозможува добивање државјанство на имигрантите кои не се муслимани, а кои влегле нелегално во Индија од неколку соседни земји.

Полицијата употреби солзавец во Силампурр, во Њу делхи, со цел да ги растера демонстрантите кои фрлале камења врз нив.

Протести се организирани и во индиските држави Западен Бенгал, Керала и Карнатака.

Индискиот парламент минатата недела усвои закон со кој ќе им се доделува државјанство на граѓани кои не се муслимани, а кои пристигнале од соседните земји.

Државјанство ќе им биде овозможено на будистите, христијаните, индусите, џаинистите, сиките, кои ги напуштиле Пакистан, Авганистан и Бангладеш поради верскиот прогон пред 2015 година. Законот не се однесува на муслиманите.

Партијата на индискиот премиер Нарендра Моди го опиша новиот закон како “хуманитарен чин”.