Тенисот му го промени животот на Мајк Тајсон, обожува да го гледа Новак
Легендарниот боксер Мајк Тајсон е голем фан на тенисот, а омилен играч му е Новак Ѓоковиќ.
Ќерката на Тајсон, Милан игра тенис, а поранешниот боксер открива дека овој спорт му го променил животот.
– Тенисот ми ги прошири хоризонтите, благодарен сум што преку овој спорт запознав многу луѓе и тоа дефинитивно ни ги промени животите. Сè се промени кај нас благодарение на тенисот. Се што правевме порано беше да трчаме по парите, но тоа не е поважно од фактот дека ќерка ми игра тенис. Таа ми е поважна од сè во животот – изјави Тајсон.
Ледгендарниот боксер и поранешен шампион во тешка категорија откри дека тенисот му е омилен спорт, а импресиониран е од Новак Ѓоковиќ.
– Новак Ѓоковиќ ми е омилен тенисер. Навистина сакам да го гледам како игра. Ми се допаѓа поради начинот на кој се врати од повредите и поради начинот на кој победуваше тенисери како Надал и Федерер,. Тоа е неверојатно, Новак е вистински борец – вели Тајсон.