Тенискиот свет го „отпиша“ Новак Ѓоковиќ – Слободен печат
ОстанатoСпорт

Тенискиот свет го „отпиша“ Новак Ѓоковиќ

Рускиот тенисер Данил Медведев има фантастична сезона, играјќи на шест финални мечеви.

Медведев е моментално играч кој се наоѓа во најдобра форма, и апсолутно е тема број еден кога се во прашање тенисерите. Многумина веќе забораваат на Новак Ѓоковиќ и Рафаел Надал, како и нивната трка за првото место на АТП ранг листата.

Медведев одигра шест финални мечеви на претходните шест турнири и има половичен успех – три титули и три порази.

twitter.com/UbiTennisEng

Русинот ги победуваше најдобрите на светот, но во финалето на УС Опен загуби по голема борба од Рафаел Надал и секако би сакал тоа да го промени во иднина.

– Секој меч е посебна приказна. Оваа година го подигнав нивото на игра. Сега би сакал да го победам Надал, како и повторно да го совладам Ѓоковиќ. Ќе се обидам да триумфирам на секој дуел кој ќе го одиграм – рече Медведев.

Четвртиот светски рекет зборуваше и за искуството кога го запозна Рожер Федерер.

– Имам добар однос со него. Го запознав во 2013 година кога бараше спаринг партнер како подготовка за американската турнеја. Три дена тренирав со него во Цирих, една одлична личност – додаде рускиот тенисер.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close