Тениската егзибиција во Саудиска Арабија без Ѓоковиќ
Новак Ѓоковиќ нема да биде дел од егзибицискиот тениски турнир кој во декември ќе се одржи во Дирија, Саудиска Арабија, а наградниот фонд ќе изнесува три милиони долари. Овој турнир беше предвидено премиерата да ја има минатата година, но поради тензиите поврзани со убиството на новинарот Џамал Кашоги, беше одложен.
Српскиот тенисер одлучи да го откаже учеството на турнирот во Саудиска Арабија иако претходно изрази желба да настапи. Но, проблемите со повредата на рамото го натераа по завршувањето на сезоната да замине на подолг одмор и терапија за да биде подготвен за новата сезона која започнува во јануари идната година и неговото место ќе го зазеде Станислас Вавринка.
Турнирот е предвидено да се одржи од 12 до 14 декември, а предвидено е да учествуваат осум тенисери, засега се познати само четврорица, Вавринка, Данил Медведев, Фабио Фоњини и Давид Гофан, иако желбата на организаорите беше на него да настапат и најдобрите тројца тенисери на денешницата, Новак Ѓоковиќ, Рафаел Надал и Роже Федерер.